एउटै दृष्टि, भिन्न कोण

सिके राउत फेरिएलान् : कामरेड ओली सुध्रिदैनन्

२०७६ असार १७ गते मङ्गलवार
  • सम्राट

बर्षाै जेल बसेको नेता प्रधानमन्त्री बन्दैमा, देशमा समृद्धि हुदैन : परिवर्तन गर्न इतिहास होइन, सोच चाहिन्छ – घनश्याम भुसाल बेला–बेला भन्छन् । धेरै बर्ष जेल बसेका प्रधानमन्त्री केपि शर्मा ओली दोस्रो कार्यकाल प्रधानमन्त्री बनेका छन् । देशमा गणतन्त्र स्थापना गर्न यीनै ओलीको केही हदसम्म योगदान छ । कहिलेकाही ओलीका गफ सुन्दा लाग्छ कि, ओलीकै कार्यकालमा नेपाल बिकसीत देश बनिहाल्छ ? प्रधानमन्त्रीले धेरै नयाँ र सम्भावना भएका सपनाहरु देखेका छन् । यी कुनै अनौठा र गर्नैनसक्ने कुरा पनि होइनन् । तर उनको पछिल्लो कार्यशैली देख्दा लाग्छ, सपनाको ब्याज खाइरहेका छन् ।

निर्वाचनताका कांग्रेस सभापति शेर बहादुर देउवा भन्ने कम्युनिस्टको सरकार आए, अधिनायकवाद आउछ र जनताले रुन पनि पाउदैनन् । आजकाल ओली र उनका मन्त्रीहरुका तमासा देख्दा लाग्छ, देउवा सत्य बोलेछन् । मिडिया काउन्सिल विधेयक पास भए पत्रकारितामा अंकुस लाग्ने छ । गुठी विधेयक पास भए धर्म, सांस्कृति नै मासिन्छ । अब अरु विधेयक चर्चा नगरौ । यस्ता सुन्दा र जे सुन्दा पनि सरकार प्रति आक्रोष बढ्दै जान्छ । राजनीतिक मुद्दामा सरकारले विप्लव निकट नेकपालाई प्रतिबन्ध लगाईयो । हिजोका दिनमा हजारौं मान्छेको ज्यान लिने हिंसात्मक आन्दोलनमा पत्रहरु नै सरकारका मन्त्री छन् तरपनि आज उनै पुर्बसहकर्मीलाई जाल थापिरहेका छन् । राजनीतिक एजेन्डा, राजनीतिक तहबाटै समाधान गर्न सक्ने उपायहरू हुदा–हुँदै सरकार किन, गतल बाटो हिडिरहेको छ ।

विवादास्पद सिके राउतलाइ यिनै ओलीले राष्ट्रिय राजनीतिमा ल्याए । यो राम्रो काम थियो तर उनीसंग गरिएका कतिपय सहमति भने राष्ट्रियता विपरीत रहेका छन् । राष्ट्रियतामा आँच आउने गरि किन सम्झौता गरियो, उनै ओली र गृहमन्त्री बादलले जानुन् । राउत कता–कता फेरिन थालेका छन् । केहिदिन अघि बिरुवा रोप्ने भन्दै हल्ला गर्न समेत भ्याए । उनका पछिल्ला गतिविधिहरु राम्रा नै देखिन्छन् । तर राउतलाई राम्रो बाटोमा ल्याउने प्रधानमन्त्री ओली किन दिनानुदिन आलोचित बनिरहेका छन् । प्रधानमन्त्री ओलीले होटल हायातमा रमिता देखे र देखाएपनि । होली वाईन पिएपछि आजकाल किन ओली उदेकलाग्दो बाटोमै यात्रा गरिरहेका छन् । वालुवाटार जग्गा काडमा उनकै दाईने हातका माईलो औलाको नाममा छ । वाइडवडि काण्ड खै कता गयो । हुदा–हुदा राज्यकोषबाट अरबौ पैसा कार्यक्रतामा किन बाँडे ।

के यी निर्णयहरु राम्रो छ । यसको पक्षमै बोल्नुपर्ने हो ? के यो जनभावना अनुरुप छ । हुदा–हुदा आजकाल कार्यक्रममा ओलीलाई बस्न सबैभन्दा अगाडि, सबैभन्दा फराकिलो र सबैभन्दा ठुलो स्थान समेत चाहिदो रहेछ । के गणतन्त्र ल्याए बाफतको ब्याज पिईरहेको अबस्था हो ? ओके प्रधानमन्त्री ज्यु जे हुन्छ राम्रैका लागि हुन्छ । अघि बढ्नुहोस् । जय लुटतन्त्र, जय ओलीतन्त्र ।

प्रतिक्रिया दिनुहोस