एउटै दृष्टि, भिन्न कोण

प्रधानमन्त्रीको विशेष दूत बनेर नेपाल दिल्ली जाने

२०७६ मङ्सिर १५ गते आइतवार

प्रधानमन्त्री केपी शर्मा ओलीले भारतले गरेको कालापानी क्षेत्रको अतिक्रमणका विषयमा कुरा गर्न विशेष दूत दिल्ली पठाउने तयारी गरेका छन्।

ओलीले दिल्लीमा भारतीय प्रधानमन्त्री नरेन्द्र मोदीसँग कुरा गर्ने गरी पूर्व प्रधानमन्त्री तथा नेकपाका वरिष्ठ नेता माधवकुमार नेपाललाई विशेष दूतका रुपमा दिल्ली पठाउने तयारी थालेको उच्च स्रोतहरूले जनाएका छ।

‘नेकपा सचिवालयका एक सदस्य र प्रधानमन्त्रीको सचिवालयका एक सदस्यसहित माधव नेपालको नेतृत्वमा विशेष दूतको टोली दिल्ली पठाउने तयारी भएको छ’, नेकपा सचिवालयका एक सदस्यले नेपालखबरसँग भने, ‘त्यसका लागि कुटनीतिक च्यानलबाट पहिला भारतीय प्रधानमन्त्री नरेन्द्र मोदीसँग सम्पर्क गरेर भेटवार्ताको व्यवस्था मिलाउने प्रयास भइरहेको छ।’

स्रोतहरूका अनुसार माधव नेपालको साथमा विशेष दूतको टोलीमा नेकपाका प्रवक्ता तथा पूर्व परराष्ट्रमन्त्री नारायणकाजी श्रेष्ठ र प्रधानमन्त्रीका परराष्ट्र मामिला सल्लाहकार राजन भट्टराई रहने गरी तयारी भइरहेको छ।

प्रतिक्रिया दिनुहोस