प्रियसीका सुमधुर मुस्कानहरु संगालेर कति !

२०७६ मङ्सिर २५ गते बुधवार
  • कुसुम गौतम – गजल

उसले प्रेमको मूर्ति राख्ने मन्दिर बनाउँदै थियो
पिरतीका रङ्गीन थुँगाहरु त्यहाँ चडाउँदै थियो ।

प्रियसीका सुमधुर मुस्कानहरु संगालेर कति !
गजलका पङ्क्तिहरुमा सुरताल मिलाउँदै थियो ।

फूलको परागमा लठ्ठिएको भमरा झैँ हरपल
अधरका पङ्खुडीमा बन्धि भई हराउँदै थियो ।

अबोध छ ऊ,संसारको डरलाग्दो परिवर्तनबाट
घाम- पानीमा संसार रचेर पनि रमाउँदै थियो ।

आज एकलो छ जून आकाशभित्र छेलिएर किन !
उसलाई के थाहा नियतीले जहर पिलाउँदै थियो ।

म्यानमार

प्रतिक्रिया दिनुहोस